مؤذن کی اذان

جامعۃ الفلاح کے مؤذن نے حی علیٰ الفلاح کی آواز اس زور سے لگائی ہے کہ مستقبل میں نمازیوں کی کثرت سے جامعہ کو تنگی کی شکایت ہوگی۔

ترقی کا سفر

مجھے نہایت مسرت ہے کہ جامعہ نے قلیل ترین مدت میں بہت ہی تیزی کے ساتھ ترقی کے مراحل طے کیے ہیں اور اپنی خدمات کی بنا پر اس قابل ہو گیا ہے کہ اب اس کا شمار ملک کی ممتاز اور مشہور ترین درس گاہوں میں ہے ۔

وسعتِ نظر، رواداری اور باہمی احترام

جامعہ آکر ہمیشہ یہ احساس ہوتا ہے کہ اس نے پیچھے مڑ کر نہیں دیکھا۔ اس کے عزائم بلند ہیں۔ اس ادارے کا فلسفہ عبارت ہے وسعتِ نظر، کشادگئ قلب، رواداری اور باہمی احترام سے۔ یہاں مسالک کے اختلاف کی کوئی گنجائش نہیں۔

گمان سے بڑا

میں نے جامعۃ الفلاح کو اپنے وہم وگمان اور انداز وقیاس سے کہیں زیادہ بڑا پایا۔ مجھے امید ہے کہ یہ امتِ مسلمہ کے نونہالوں کو ہمیشہ خیرِ کثیر سے نوازتا رہے گا۔

عظیم قلعہ

بلا شبہ یہ ادارہ ہندوستان میں ایک عظیم قلعہ ہے جو اسلامی عقیدہ وتہذیب کا محافظ ہے اور نوجوانوں کے اندر اپنی روح پیدا کرکے انہیں اسلام کا خادم بنا رہا ہے۔

قابلِ ستائش

گوناں گوں مشکلات ومسائل اور وسائل کی قلت کے باوجود جامعۃ الفلاح کی اپنی مقصد کی طرف پیش قدمی قابلِ ستائش ہے۔ جامعہ کی افادیت کے پیشِ نظر اہلِ خیر حضرات کو اس کی تعمیر وترقی میں خصوصی دلچسپی لینی چاہیے۔