جامعہ میں طالبات کی ہم نصابی سرگرمیوں کو منظم کرنے، تقریری وتحریری صلاحیتوں کو پروان چڑھانے، علمی صلاحیت میں اضافہ کرنے اور اجتماعی کاموں کو انجام دینے کی مشق بہم پہنچانے کے لیے ’’جمعیۃ الطالبات‘‘ کے نام سے ایک نظم ہوگا جس کے سرپرستِ اعلیٰ مہتمم تعلیم وتربیت ہوں گے۔ جمعیۃ الطالبات کی سرگرمیوں پر نظر رکھنے کے لیے سرپرست جمعیۃ الطالبات ہوں گی جو معاون نگرانِ اعلیٰ صفیہ منزل اور صدر معلمہ شعبۂ اعلیٰ کے تعاون سے اپنی ذمہ داریاں ادا کرتی رہیں گی۔
- مقاصد
- ہم نصابی سرگرمیوں کو مؤثر اور مفیدبنانے میں مدد کرنا۔
- طالبات کی علمی صلاحیت میں اضافہ کرنا۔
- تقریری وتحریری صلاحیت کو پروان چڑھانا۔
- ضروری علوم کی بنیادی معلومات فراہم کرنا۔
- طالبات کی اخلاقی تعمیر اور ان کو اسلام کا عملی نمونہ بنانے میں نظمِ جامعہ کی مدد کرنا۔
- اجتماعی کاموں کو انجام دینے کی مشق بہم پہنچانا۔
- طالبات میں خدمتِ خلق کا جذبہ پیدا کرنا۔
- وسائل وذرائع
لائبریری، دارالمطالعہ، ہفتہ وار پروگرام، قلمی رسائل، وال میگزین، مختلف النوع مقابلے، تعلیمی مظاہرہ، سالانہ میگزین، توسیعی لکچرس وغیرہ۔
- شعبہ جات ذمہ داران
نگراں جملہ شعبہ جات : سکریٹری جمعیۃ الطالبات
شعبۂ لائبریری : لائبریرین
شعبۂ اخبارات ورسائل : معتمدِ اخبارات ورسائل
شعبۂ خطابت : معتمدِ خطابت
شعبۂ قلمی رسائل وجرائد : معتمدِ تحریر
شعبۂ ورزش وکھیل : معتمدِ ورزش وکھیل
شعبۂ صفائی وباغبانی : معتمدِ صفائی وباغبانی
- ذمہ داریاں
- سکریٹری
- جمعیۃ کے جملہ شعبہ جات کو فعال اور متحرک رکھنا اور طے شدہ خاکے کے مطابق پروگراموں کو انجام دینا۔
- جمعیۃ کی کارکردگی سے سرپرست کو ماہ بہ ماہ مطلع کرتے رہنا اور ان کی ہدایت پر عمل کرنا۔
- جمعیۃ کے جملہ اثاثوں کی حفاظت اور نگہداشت کرنا۔
- سکریٹری اپنی جملہ ذمہ داریوں کے سلسلے میں سرپرست جمعیۃ الطالبات اور معاون نگرانِ اعلیٰ صفیہ منزل کے سامنے جواب دہ ہوگی۔
- لائبریرین
- لائبریری کو ترقی دینے کی تدابیر اختیار کرنا۔
- لائبریری کو منظم کرنا۔
- طالبات کے استفادے کو آسان بنانا۔
- کتابوں کی حفاظت اور نگہداشت کرنا۔
- جامعہ کے لائبریرین کی ہدایات پر عمل کرنا۔
نوٹ: جمعیۃ کی لائبریری کی نگرانی معاون نگرانِ اعلیٰ صفیہ منزل کے تعاون سے جامعہ کے لائبریرین کریں گے۔
- معتمدِ اخبارات ورسائل
- دار المطالعہ کو منظم کرنا۔
- اہم رسائل ومجلات کی فراہمی کی کوشش کرنا۔
- رسائل وجرائد کی حفاظت اور رسائل کی سالانہ فائل بندی کرانا۔
- نگرانی جامعہ کے لائبریرین کریں گے۔
- معتمدِ خطابت
- خطابت کے شعبوں کی نگرانی اور ان کو فعال بنانا۔
- تقریری صلاحیتوں کو نکھارنے کی تدابیر اختیار کرنا۔
- تقریری مقابلوں کا انعقاد کرنا۔
- معتمدِ تحریر
- قلمی رسائل اور وال میگزین کو متعین خاکے کے تحت نکلوانا۔
- تحریری صلاحیتوں کو پروان چڑھانے کی تدابیر اختیار کرنا۔
- سالانہ میگزین کی تیاری کرنا۔
- تحریری مقابلوں کا اہتمام کرنا۔
- معتمدِ ورزش وکھیل
- ورزش اور کھیل کود کو منظم کرنا۔
- سرپرست جمعیۃ کی ہدایت پر عمل کرنا۔
- کھیل کے مقابلوں کا انعقاد کرنا۔
- نگرانی کی ترتیبات معاون نگرانِ اعلیٰ صفیہ منزل کریں گی۔
- معتمدِ صفائی وباغبانی
- درسگاہ اور دار الاقامہ میں موجود شجرکاری میں حتی المقدور طالبات کے تعاون سے حصہ لینا۔
- پھولوں اور سبزہ زاروں کی حفاظت کی تدابیر اختیار کرنا۔
- طریقۂ انتخاب
ذمہ دارانِ جمعیۃ کا انتخاب سرپرست جمعیۃ الطالبات، معاون نگرانِ اعلیٰ صفیہ منزل اور صدر معلمہ شعبۂ اعلیٰ کے نامزد پینل میں سے شعبۂ اعلیٰ کی طالبات کریں گی۔
- رہنما خطوط
ذمہ دارانِ جمعیۃ الطالبات کا انتخاب فضیلت سالِ اول کی طالبات میں سے کیا جائے گا۔
ذمہ دارانِ جمعیۃ کے تعین وانتخاب میں طالبات کا حسنِ اخلاق، تعلیمی دلچسپی اور نظم وضبط کی پابندی کا لحاظ کیا جائے گا۔ خواہشمند طالبات کے سپرد کوئی ذمہ داری نہیں کی جائے گی۔ جمعیۃ کی سال بھر کی سرگرمیوں کا خاکہ سال کے شروع میں سرپرستِ اعلیٰ کے مشورے سے بنا لیا جائے گا۔ طالبات کی مختلف النوع صلاحیتوں کو پروان چڑھانے کے لیے مختلف طرح کے مقابلوں کا انعقاد ہوگا۔ جمعیۃ کے پروگراموں میں حصہ لینے والی طالبات کا باقاعدہ ریکارڈ رکھا جائے گا اور ان کو خصوصی انعامات سے نوازا جائے گا۔
کلاس وائز غیر درسی مطالعے کا نصاب مقرر کیا جائے گا۔ جمعیۃ کی سرگرمیوں کی نگرانی کے لیے معلّمات اور اتالیقات کا تعاون حاصل کیا جائے گا۔
- نوٹ
کلیۃ البنات کے مکمل کیمپس (درسگاہ ودار الاقامہ) میں جمعیۃ الطالبات کے علاوہ کسی بھی طرح کی سرگرمی یا پروگرام کے لیے مہتمم تعلیم وتربیت سے تحریری اجازت لینی ضروری ہوگی۔