طلبہ میں ہم نصابی سرگرمیوں کو منظم کرنے، تقریری وتحریری صلاحیتوں کو پروان چڑھانے، علمی صلاحیت میں اضافہ کرنے اور اجتماعی کاموں کو انجام دینے کی مشق بہم پہنچانے کے لیے ان کی انجمن ”جمعیۃ الطلبہ“ کے نام سے سرگرمِ عمل ہے۔
اس کے سرپرستِ اعلیٰ مہتمم تعلیم وتربیت ہوتے ہیں اور یہ اپنی سرگرمیاں نگرانِ اعلیٰ کے زیر نگرانی انجام دیتی ہے۔ نگرانِ اعلیٰ کی معاونت کے لیے ایک استاد کو مقرر کیا جاتا ہے۔
طلبہ اپنی انجمن کا جملہ انتظام وانصرام اپنے اساتذہ کی رہنمائی میں خود ہی کرتے ہیں اور مختلف شعبوں کے تحت اپنی مفوضہ ذمہ داریاں ادا کرتے ہیں۔ اس کی میقات ایک سال کی ہوتی ہے۔