مدتِ تعلیم (حفظ ودَور): برائے طلبہ تین سال، برائے طالبات چار سال۔
حفظ وتجوید کے ساتھ شعبۂ ثانوی کے درجہ ششم، ہفتم، ہشتم کی انگریزی، ہندی اور اُردو کی تعلیم بھی دی جاتی ہے، تاکہ تکمیلِ حفظ کے بعد طلبہ وطالبات عربی اول (مساوی درجہ نہم) میں داخل ہوسکیں۔
شعبۂ حفظ کے طلبہ کے لیے ہاسٹل میں رہنا ضروری ہے۔ مہتمم تعلیم وتربیت کسی کو اضطراری صورت میں ہی مطلوبہ ہدف پورا کرنے کی شرط کے ساتھ استثناء دے سکتے ہیں۔ طالبات کے لیے ہاسٹل میں لازمی رہائش کی شرط نہیں ہے، البتہ متعینہ ہدف پورا کرنا ضروری ہے اور حفظ کے لیے متعینہ مدت سے زیادہ شعبۂ حفظ میں رہنے کی اجازت نہیں ہے۔
ضوابطِ داخلہ
- امیدوارِ داخلہ کو جامعہ کا مطبوعہ داخلہ فارم یا آن لائن داخلہ فارم پُر کرنا ہوتا ہے۔ مطبوعہ داخلہ فارم دفترِ اہتمام یا متعلق شعبے سے حاصل کیا جاسکتا ہے۔
- داخلے کے خواہش مند امیدواران کا متعینہ تاریخوں میں داخلہ ٹسٹ ہوتا ہے اور اس میں کامیابی کے بعد ہی داخلہ لیا جاتا ہے۔ داخلہ ٹسٹ کی تاریخوں کا اعلان رمضان سے قبل کر دیا جاتا ہے۔
- درجہ ششم (حفظ) میں داخلے کے لیے درجہ پنجم (ابتدائی) کے معیار کی صلاحیت ضروری ہے۔
- تمام بیرونی طلبہ کا دار الاقامہ میں رہنا لازم ہے۔
- درجہ ششم (حفظ) میں داخلے کے وقت کم از کم عمر مکمل نو سال ضروری ہے۔
- بوقتِ داخلہ آدھار کارڈ کی فوٹو کاپی/ تاریخِ پیدائش کا تصدیق نامہ اور اصل T.C. جمع کرنا ضروری ہے۔
- کشمیر اور نیپال کے طلبہ وطالبات کے لیے NOC بھی جمع کرنا ضروری ہے۔
- داخلہ صرف ایک سال کے لیے ہوتا ہے، امتحان سالانہ سے قبل تجدید داخلہ فارم پُر کرکے نئے تعلیمی سال کے لیے تجدید داخلہ کرانا ضروری ہوتا ہے۔
اخراجات بوقتِ داخلہ ودیگر اخراجات
- داخلہ فارم: 100 روپئے، داخلہ فیس: 400 روپئے۔
- ماہانہ تعلیمی فیس: شعبۂ حفظ 300 روپئے۔
- سالانہ لائبریری فیس (غیر بورڈر طلبہ وطالبات سے): شعبۂ حفظ 150 روپئے۔
- امتحانی فیس: شعبۂ حفظ 150روپئے۔
- بورڈر طلبہ وطالبات سے بوقتِ داخلہ زرِ ضمانت مطبخ 2000 روپئے اور پیشگی فیس خوارک 1500 روپئے۔
- بورڈر طلبہ وطالبات سے سالانہ بجلی بورڈنگ ولائبریری فیس 3000 روپئے۔ یہ فیس ایک ساتھ جمع ہوگی اور ناقابلِ واپسی ہوگی۔
- بورڈر طالبات سے سالانہ فرنیچر فیس: 300 روپئے (ناقابلِ واپسی)۔
نوٹ:فیس کی شرحوں میں تبدیلی ہوتی رہتی ہے۔
٭ بوقتِ داخلہ مجموعی اخراجات:
- بورڈر طلبہ : 7300 روپئے (داخلہ فارم: 100 + داخلہ فیس: 400 + ایک ماہ کی تعلیمی فیس: 300+ زرِ ضمانت مطبخ: 2000+ پیشگی فیس خوارک: 1500+ بجلی بورڈنگ ولائبریری فیس 3000)
- بورڈر طالبات: 7600 روپئے (سابقہ تمام فیسیں+ فرنیچر فیس: 300)
- غیر بورڈر طلبہ/ طالبات: ۹50 روپئے (داخلہ فارم: 100 + داخلہ فیس: 400 + ایک ماہ کی تعلیمی فیس: 300+ سالانہ لائبریری فیس: 150)